هدر باسم الفنّ في زمن الحرب.. عن ‘ملتقى السلام والمحبّة‘: معن محمود

2017-06-29 16:40 PM وميض
هدر باسم الفنّ في زمن الحرب.. عن ‘ملتقى السلام والمحبّة‘: معن محمود
السيد وزير السياحة المحترم لم يكتف بوزارة السياحة فقط، لا.. طحش الأخ على وزارة الثقافة. 
يا أخي شو دخلك بالفن والفنانين؟ 
"ملتقى السلام والمحبة" من المفترض من حقّ وزارة الثقافة. 
أخي خلّيك بوزارتك.. ما كان أحسن إلك؟ 
لا شو دخلك يا مواطن أنت؟ شو حشرك؟! هاد شغلنا. 
طيب رح إجي معك، على مبدأ يلّي ما بيجي معك أخي تعا معوووو. 
30 فناناً شاركوا بالملتقى. حسبة بسيطة (سفر- ذهاب وإياب- وإقامة بفندق خمس نجوم روتانا 36000 ل.س أجرة كل ليلة ضرب 30 يوم ضرب  30 غرفة، وغير ذلك حجر وخشب وألوان وقماش وعدد صناعية ووووووووووووووواووووووو
طيب بس سؤال، معقول تكون عم تدفع من جيبتك وأنا كون أهبل؟ أكيد لا. قال المال من براااا واضرب يا..............
طيّب كمان موافق، مع إني بعمري ما كنت غير موافق.  فرضت على الوزارات اقتناء الأعمال. يا أخي هيك ما رح إجي معك. كمان حابب تورّط باقي الوزارات حتى تبرّر عملتك، لا وكمان "شلكّ" لعبان بعقل الفقير وزير التربية الوز بملتقى محافظة السويداء. الله يستر كمان. 
المهم وبلا طول سيرة، رح تقلي إيراد المقتنيات لجرحى الجيش وأسر الشهداء؟! أخي مو بحاجتك كمان، ومن دون ما تبيعنا وطنيات، لو إنك من الأول موزّع هالمبالغ المرعبة على ما ذكرت!! 
ومن دون تطبيل وتزمير وبيع وطنيات، الوطن اليوم بحالة حرب، وبحاجة إلى وقفة صادقة. 
مع احترامي وتقديري لكل الفنانين المشاركين. 
والسلام عليكم ورحمة الله وبركاته 
عاشت سوريا الجديدة سوريا العلمانية 
وكاسك يا وطن
 

التعليقات

  1. معن محمود
    #1 معن محمود 29 June, 2017, 13:33

    كل الشكر والتقدير والاحترام لك صديقي الجميل الاستاذ محمد سعيد حمادة

كتابة تعليق جميع الحقول مطلوبة.




انقر هنا للتحديث: تحديث

الأخبار ذات الصلة

كاريكاتير

عهد التميمي